Messages Du Lundi
الإثنين 18 آذار 2019

 

ببداية الأسبوع الثالث من الصوم، منتذكر سوا دعوتنا للتوبة خلال هالزمن المقدّس، دعوتنا لتجديد علاقتنا مع الرّب، مع ذاتنا ومع خيّنا الإنسان على ضوء إيماننا المسيحي. دعوتنا لنكون حاضرين للرّب الحاضر دايماَ معنا على مثال القديس يوسف اللّي منحتفل بعيدو بكرا وعلى مثال العدرا أمّنا كلّنا، إم الكنيسة وإم الإنسانيّة اللّي رَحْ نحتفل بعيدها وبعيد كلّ امّ نهار الخميس.

 

 

القديس يوسف كان حاضر للرّب لمّا عمل مثل ما أمروا ملاك الرّب حين ظهرلو وقلو "يا يوسف بن داود، لا تخف أن تأخذ مريم أمرأتكَ، فالمولود فيها انما هو من الروح القدس"، يعني القديس يوسف سِمِعْ صوت الرّب وبَرْهَن عن ثقة كبيرة بمحبتو لمّا عمل بإرادتو.

 

 

القديس يوسف كان حاضر كمان لذاتو، لأنّو كان رجل صالح، رجل بار بيتصرّف وبعيش بمخافة الله، يعني بحسب ما بريد الله وكان حاضر كمان للعيلة المقدسة اللي وكّلو فيها الرب، حاضر لخيّو الإنسان عم بساعدو تميشي على درب الرّب من خلال مثلو الصالح بالنزاهة والإستقامة.

 

 

كمان كلنا منعرف إنّو العدرا كانت حاضرة اساساَ للرّب وللآخرين لمّا قالت نعم للملاك جبرائيل وقبلت تكون امّ يسوع المخلّص، لمّا قالت "أنا أمة الرّب فليكن لي بحسب قولك"

 

 

سوا منصلي لنقبل يوميا نعمة الإرتداد والتوبة خلال مسيرة الصوم، مسيرتنا نحو عيدالفصح؛ العيد الكبير، تنكون حاضرين للرّب الحاضر دايماَ معنا، حاضرين لخيّنا الإنسان على مثال القديس يوسف والعدرا.

ومنصلي اليوم بشكل خاص لكلّ اللي حاملين اسم "جورف" و"جوزفين" تالرّب يباركون، ولكلّ امّ تالرّب يحفظها بنعمتو وتكون دايماَ بحالة إصغاء لإلهامات الروح القدس برسالتها تجاه عيلتها والمجتمع.

 

 

 

ولأنو الإم هييّ نبض المجتمع ولإنو اللقاء والحوار معها هوّي دايماَ وسيلة خلاص وحياة لأبنائها وبناتها، كلّ تلاميذ المدرسة بكلّ الأقسام مدعوييّن يخصّصوا نهار الأربعاء بعد الظهر للقاء والحوار مع امّون وعيلتن. لهيك معفييّن من كلّ الدروس والفروض نهار الأربعاء. يعني كلّ تلاميذ المدرسة عندون نهار الأربعاء «un après-midi oxygène »

 

Bonne fête à toutes les mamans, bonne fête à tous les Joseph et Josephine et aujourd’hui je vais saisir aussi l’occasion pour féliciter « Miled et Georges Faddoul » qui ont remporté le 3ème prix du meilleur film à l’université Notre Dame de Louize. Nous les applaudissons très fort.

 

 

اسبوع مبارك

المديرة الأخت ميرنا شيبان

Articles Liés