Messages Du Lundi
Lundi 13 mai 2019

 

بدايةً رح ناخد دقائق صمت وصلاة من القلب على راحة نفس مين ترك بصمة إيمان بالرّب وحكمة واتزان وصلابة بالحق في تاريخ الكنيسة المارونيّة ولبنان والشرق البطريرك السادس والسبعون في سلسلة البطاركة الموارنة الكاردينال مار نصرالله بطرس صفير.

هيدا الأسبوع منكفّي نوّجه نظرنا وتركيزنا على الصمت المعبّر، والإصغاء لكلمة الله والتواضع اللي عاشتون مريم.

الصمت المعبّر اللي بيعني العيش بحالة بحث مستمرّ عن حضور الرّب بحياتنا وحالة إصغاء لكلمتو ولصوتو اللي بيهتف بإستمرار بعمق أعماق كلّ واحد منّا: "انا هون انت وينك؟"

والتواضع اللي بيعطينا على مثال مريم، نعترف بحقيقة الأمور، بحقيقة ذاتنا وحقيقة ما يصنع الرّب من عظائم ومعجزات بحياتنا.

 

منصلي سوا طالبين من الرّب بشفاعة عذراء فاطمة اللي بتحتفل الكنيسة اليوم بعيدا، نعمة الثبات بالإيمان وعيش الصمت المعبّر والتواضع ومنصلّي بشكل خاص لعيالنا هيدا الأسبوع اللي خلالو منحتفل باليوم العالمي للعيلة، حتى كلّ عيلة من عيالنا تكون على مثال عيلة الناصرة، متحدّة بالمحبة ومدرسة بالإيمان والخدمة وقول الحقّ والحقيقة.

Articles Liés