Prières
!من شو خايف، انا معك
من شو خايف، انا معك!
انا معك، تزيدك ثقة وإيمان وأمان.
انا معك، تإشفيك وقويك.
انا معك، تتالاقيني بمحبة خيّك الإنسان.
انا معك، تساعدك تكون شاهد للقيامة والرّجاء.
انا معك، انا الطّريق والحق والحياة، بخلصك وبعطيك الحياة الابدية.
أولياء طلابنا الكرام،
اساتذتنا الاعزاء، الهيئة الإدارية،
معاونينا، تلاميذنا الاحباء،
انطلاقا من هالاقوال، أقوال بتّرجم محبة الرّب لإلنا، محبة بتدعينا باستمرار لعدم الخوف وللمضي على طريق الخلاص، طريق الحياة، رح يطلق فريق التعليم المسيحي بالمدرسة سلسلة تأمّلات على خمس اسابيع من شأنها تساعدنا تنفكر بمحبّة اللّه اللّا متناهية لإلنا.
منتمنىّ نصلّي سوا، طالبين من الرّب ينعش إيماننا ويزيدنا ثقة بمحبتو
إيمان وثقة بيعطونا نجاهد برجاء وفرح وديناميكية لتحقيق صورتو فينا وللمساهمة بتتميم ملكوتو على الأرض يومياً
صلاة مثمرة
وعلى أمل نلتقى بأقرب وقت ممكن
وتمضى هالفترة الصعبة على سلامة للجميع
 
آمين
 
المديرة الأخت ميرنا شيبان

Articles Liés